Leys størv á MEST

Sølulærlingur til goymsluna hjá MEST

Hevur tú hug at koma í læru sum sølu- og goymslufólk á MEST í Tórshavn ?

Vit ynskja, at tú hevur miðnámsútbúgving, FHS, og at tú:

- ert opin og hevur lætt við at samskifta
- hevur góðan teldu- og talførleika
- ert framfýsin og ágrýtin
- hevur áhuga í mekaniskum og el-lutum
- hevur sera góðan hug at selja

Í lærutíðini kemur tú at starvast á teimum ymsu goymslunum í fyritøkuni.

Sum sølufólk kemur tú at avgreiða viðskiftafólk á goymslunum umframt at gera sølufremjandi arbeiði kring um í landinum og umborð á skipum.

Góður møguleiki er fyri føstum starvi eftir lokna útbúgving. Skrivlig umsókn við avriti av prógvum o.ø. skal sendast til:

MEST P/F
Postboks 65
FO-110 Tórshavn
Att.: Eirikur Joensen

Í seinasta lagi 1. juli 2013 at byrja skjótast til ber.

UM MEST

MEST samtakið fevnir um skipasmiðjurnar á Skála og í Tórshavn, framleiðsluverksmiðju
í Runavík og dóttirfelagið PAM Offshore Service, sum hevur starvsfólk í oljuvinnuni,
serliga í Norra. MEST ræður yvir nýmótans verkstøðum, stórari goymslu og framkomnari tekni- og verkfrøðingastovu. Yvir 300 starvsfólk eru í MEST samtakinum, og kundar okkara eru bæði føroyskir og útlendskir. Sostatt er MEST eitt av stórstu framleiðslufeløgunum í landinum.