1. Nýtsla og greining

1. Um annað ikki er skrivliga avtalað, verða hesar ásetingar sum heild nýttar og koma uppí sum ein integreraður partur av  avtalum - burtursæð frá nýbyggingarsátt-málum - skipasmiðjan ger við bíleggjara (hereftir nevndur umbiðjari) um arbeiði upp á og veitingar til tað far ella lutir til eitt far, (hereftir nevnt skipið), ið er fevnt av avtaluni, uttan mun til slag av fari ella nýtslu av tí. Fyri góðan ordans skuld skal præsiserast, at hesar vanligu treytir eisini eru galdandi fyri arbeiði upp á og veitingar til skipið, sjálvt um tað er aðrastaðni enn á skipasmiðjuøkinum.

1. Treytirnar galda soleiðis m.a. fyri alt slag av umvælingar-, umsitingar- innleggingar- og eisini umbyggingararbeiði, fyri sýn, garantieftirlit og garantiarbeiði (eisini upp á nýbyggingar hjá skipas­miðjuni) saman við teimum av hesum bundnu útveganum og veitingum.

1. Umbiðjari kann umframt eigara skipsins, ráðandi reiðara ella skipsføraran vera eitt/ein av hesum av virkjum ella persón-um, ið hava serliga fulltrú, sí eisini 16.1. Um ikki annað er skrivliga avtalað, verður ein eftirlitshavandi við støði í sínum starvi vegna umbiðjaran, hildin at hava heimild at avtala broyting­ar- ella ískoytisarbeiði við skipasmiðjuna.

2. At fara undir arbeiðið

2. Alt arbeiði verður gjørt í tí raðfylgi, sum skipini, tá ið tey koma, siga skipasmiðjuni frá, um so er, at skipið kemur til skipa-smiðjuøkið tann dagin, sum avtalað er við skipasmiðjuna.

2. Tó kann skipasmiðjan útseta avtalað arbeiði, herímillum dokking. um tað eftir skipasmiðjunnar meting er neyðugt orsakað av átrokandi sjóskaðum á øðrum skipum ella orsakað av veðri og vindi.

2. Í seinasta lagi, tá íð skipið kemur til skipa-smiðjuna, er umbiðjarin skyldigur at kunna skipas­miðjuna um konstruktiv viðurskifti, inni­hald í tanga- og lastarúmum og eisini onnur viðurskifti, ið kunnu hava týdning fyri umvæl­ing­ararbeiðið og steðgin á skipasmiðjuni, eisini dokking, herímillum fyribyrging av skaða á starvsfólk, umhvørvi, skip og/ella skipa­smiðjuútbún-að. Umbiðjarin hevur ábyrgdina og skal halda skipasmiðjuna skaðaleysa fyri eina og hvørja vanrøkt av hesi skyldu.

2. Uttan so at annað ikki er greitt avtalað, gevur umbiðjarin trygd fyri tangaskip, at einki gass er umborð og at eingin spreingingarvandi er.

3. Skipanir um skilhalds- og trygdarreglur

3. Skipasmiðjan hevur rætt til at gera høvuðs­samskipanina av verndar-, trygdar- og skil­haldstiltøkum á økinum hjá skipasmiðjuni og umborð á skipinum, meðan tað er á skipas­miðj­uni. Um skipasmiðjan ger arbeiði á skipinum uttan fyri skipa-smiðjuøkið, liggur áðurnevnda samskip-anarábyrgd á umbiðjaranum. Hóast frammanfyri nevndu reglur liggur tað á umbiðj­aranum at kunna skipasmiðjuna um allar um­varðandi verndar- og trygdarreglur viðvíkjandi skipinum, og umbiðjarin ber harumframt, um manning hansara er umborð á skipinum, meðan arbeiðið verður gjørt, ábyrgdina av, at allar tílíkar reglur verða hildnar.

3. Annars galda niðanfyri standandi ordans­fyriskipanir viðvíkjandi uppihaldinum á skipasmiðjuni.

1. Uttan tá ið skipið kemur og fer, má skipsskrúv­an bara nýtast eftir ávísing frá skipasmiðjuni, meðan skipið er á skipa-smiðjuni.

2. Einki vatn, spillivatn, olja, kemikalium og lík evni mugu tømast, eins og umbiðjarin annars skal halda allar galdandi reglur í umhvørvislóg­um. Umbiðjarin skal halda skipasmiðjuna skaða­leysa fyri eitt og hvørt tílíkt reglubrot, ið  skipasmiðjan ella henn-ara undirútvegarar eru atvoldin í.

3. Eingin frárenning frá skipinum má nýtast, meðan skipið verður dokksett. Hetta tíðarbilið vísir skipasmiðjan á vatnhús og bað til brúk hjá manningini á skipinum.

4. Skipsins manning og skipari eru annars skydigir at gera eftir leiðbeiningum hjá skipa­smiðjuni um at varðveita gott skil og trygd inni á skipa­s­miðjuøkinum.

4. Reglur viðvíkjandi uppihaldinum skipa-smiðjuni.

4. Alt arbeiði á skipinum verður gjørt einans av skipasmiðjuni og hennara undirútvegar-um. Um annað ikki er skrivliga avtalað, hevur umbiðjarin ikki rætt til at lata skipsmanningina, montørar ella aðrar - eisini undirútvegarar bidnir av umbiðjara - gera arbeiði, meðan skipið er á skipa-smiðjuni. Umbiðjarin hevur heldur ikki rætt til at bíleggja frá undirútvegarum hjá skipasmiðjuni meðan skipið er á skipa-smiðjuni.

4. Bæði í og uttan fyri vanliga arbeiðstíð hevur umbiðjarin skyldu til ókeypis, fyri egna rokning og váða og uttan ábyrgd fyri skipas­miðjuna at hava seram­boð og køna manning tøka til at ansa maskinu og útgerð á skipinum og til flyting­ar eftir ávísing frá skipas­miðjuni.

4. Bunkring og pumping av olju ella oljukendum vatni má bara gerast við góðkenning frá skipa­smiðjuni og samsvarandi teimum fyriskipanum, ið skipasmiðjan hevur um hetta. Við pumping er at skilja pumping í skipið og úr eins væl og pumping millum skipsins tangar ella onnur pumping á skipinum. Øll bunkring og pumping, ið verður gjørd, er fyri umbiðjarans ábyrgd.

4. Um skipasmiðjan biður um sleipibát til skipið, verður tað mett at vera fyri umbiðjaran, sum verður mettur at vera tann ábyrgdarhavandi umbiðjarin av sleipibátinum.

5. Hvat arbeiðið fevnir um og útinning av tí

5. Arbeiðið fevnir bert um tað, ið greitt er avtalað. Ein ordri er ikki bindandi fyri skipasmiðjuni, fyrrenn skipasmiðjan hevur váttað hana uttan fyrivarni um millumsølu. Hetta er eisini galdandi fyri broytingar- og ískoytisarbeiði.

5. Um tað er avtalað, at arbeiðið skal lúka lógir og fyriskipanir ásettar av almennum myndugleikum ella klassifikatiónsfeløgum galda latingartíðin og prísur bara fyri tey krøv, íð guldu, tá ið umbiðingin varð váttað. Um krøvini verða broytt aftaná, skal umbiðjarin góðtaka slíkar rímiligar broytin­gar í latingartíðini og prísinum, sum skipas­miðjan krevur í tí sambandinum.

5. Tað er skylda umbiðjarans at boða frá hjá og at fáa til vega eina og hvørja góðkenning frá viðkomandi almennum myndugleikum ella klassifikatiónsfeløgum fyri tær konstruktiónir og tey arbeiði, ið koma undir myndugleika og klassa­krøv, og at upplýsa skipasmiðjuni um hetta. Umbiðjarin ber allan kostnað til klassifika­tións­feløg og myndugleikar.

5. Alt arbeiði verður gjørt eftir vanligum standardi og venju hjá skipasmiðjuni. Tekningar, myndlýs­ingar ella myndir eru ein hjálp til at lýsa arbeiðið og ikki í smálutum bindandi fyri gerð av ar­beiðinum. Upplýsingar um mát, vekt og rúmd eru somuleiðis á leið.

5. Eftir sum skipasmiðjan sjálv velur kann hon nýta undirverktakarar at gera arbeiðið, og hesir skulu í ein og hvørnn mun roknast sum ein partur av arbeiðinum hjá skipasmiðjuni.

5. Um so er, at tilfar, ið ætlað er, ikki kann útveg­ast í rættari tíð, hevur skipasmiðjan rætt til at krevja gjørdar neyðugar broytingar í nágrein­ingini og har til bundnar broytingar í latingartíð og prísi og øðrum avtalaðum treytum.

5. Um so er, at tað verður greitt, meðan arbeiðið verður gjørt, at tað fevnir um meira ella er av øðrum slag enn tað, ið skipasmiðjan rímiliga kundi ætla um, tá ið avtalan varð gjørd, hevur skipasmiðjan rætt til at gera sovorðnar broytin­gar viðvíkjandi prísi og latingartíð og øðrum avtalaðum treytum, sum skipasmiðjan metir vera rímiligt av hesum orsøkum.

5. Umbiðjarin skal síggja til, at veitingar, sum av umbiðjaranum eru bílagdar sum veiting til skipið lúka galdandi  føroysk/ donsk krøv og fyriskipan­ir, eitt og hvørt annað myndugleika- og klassa­krav og aftur at tí møgulig serstøk krøv og fyriskipanir, ið galda fyri skipasmiðjuna.

6. Gamalt tilfar

6. Gamalt tilfar, ið verður skift um við nýtt - tó burtursæð frá tungum maskinlutum, skrúvum, skrúvuakslum og tílíkum - eins og nýtt tilfar, ið loypur av, fellur skipasmiðjuni í lut uttan sam­sýning, um annað ikki er avtalað.

6. Tilfar og útgerð, sum hoyra umbiðjarunum til, skulu fáast burtur av økinum hjá skipasmiðjuni, samtíðis sum skipið verður latið umbiðjaranum og hann skal taka stig til hetta og bera kostn­aðin av tí. Um hesir ognarlutir ikki eru fingnir burtur í seinasta lagi 30 dagar eftir, at skipið er latið, verður hildið, at umbiðjarin hevur sagt frá sær hesar ognarlutir, og teir eru síðan ogn hjá skipasmiðjuni uttan samsýning, um annað ikki er skrivliga avtalað.

7. Prísur

7. Um ikki er avtalaður bundin prísur fyri arbeiðið, verður hetta goldið sum rokningararbeiði eftir vanligari venju hjá skipasmiðjuni.

7. Er avtalaður ein prísur fyri eitt nágreiniliga lýst arbeiði, verða, um annað ikki er avtalað, tey arbeiði útroknað, sum ikki eru tikin við í nágrein­ingini eftir skipasmiðju-nnar vanligu reglum fyri rokningararbeiði. Hava avtalaðar broytingar við sær minni veitingar av tí lýsta arbeiðinum, skal umbiðjarin góðskriva ein samsvarandi part av tí avtalaða prísinum.

7. Oman á tað, ið skipasmiðjan leggur út til undir­útvegarar verða løgd 10% av netto fakturakostnaðinum, uttan so at veitin­gin er íroknað ein fyri arbeiðið avtalaðan prís.

7. Umbiðjarin skal endurgjalda tær meir-útreiðslur, sum koma orsakað av seinkingum frá umbiðjara, hansara fólki ella útvegarum.

8. Veiting- ábyrgdarskifti

8. Skipasmiðjan ber ábyrgdina av skaðum á um­vælingararbeiðið og eisini  útgerð og tilfar, ið er keypt til tað, til avhendingin (latingin) hevur verið. Uttan so at annað ikki er avtalað, verður umvælingararbeiðið mett at vera avhent so við og við, sum tað verður gjørt umborð á skipin­um, og útgerð og tilfar verður mett avhent, tá ið tað er komið inn um skipsborð.

8. Umvælingararbeiði ið eru bíløgd hvør sær og ikki gjørd liðug í senn, kunnu avhendast eftir hvørt annað, sí annars 10.5. Útgerð og amboð, ið eru bíløgd av umbiðjaranum, roknast sum avhendað tá tey eru komin umborð.  

9. Ábyrgd av skaða, sum umbiðjarin er at-voldin til

9. Umbiðjarin er endurgjaldsskyldigur fyri eitt og hvørt tap ella ein og hvønn skaða, sum skipið, eigari tess, starvsfólk hansara ella útvegarar valda skipasmiðjuni, starvsfólki hennara, útveg­arunum og øðrum triðjamonnum, uttan so, at umbiðjarin prógvar, at tapið ella skaðin ikki er orsakað av mistøkum ella ósketni hjá við­komandi.

10. Royndir

10. Skipasmiðjan kann gera tær royndir, ið hon heldur vera neyðugar fyri at gera av, um veit- ingin er samsvarandi sáttmálan. Skipasmiðjan hevur rætt til ókeypis at nýta  brennievni skips­ins og tílíkt til royndir. Skipasmiðjan hevur skyldu til í rímiligari tíð at kunna umbiðjaran um slag og tíð fyri slíkum royndum, og umbiðjarin hevur - um skipasmiðjan  biður um tað - skyldu til at vera umboðaður, tá ið slíkar royndir verða gjørdar.

10. Á royndartúrum ber umbiðjarin einsamall-ur ábyrgdarvandan av skipinum, maskin-um tess, útgerð og tí skaða, ið skipið kann valda. Um­biðjarin ber somuleiðis ábyrgd-arvandan av umvælingararbeiðinum, uttan skaða á tað, sum stendst av mistøkum ella ósketni hjá skipa­smiðjuni.

10. Á royndartúrum skal umbiðjarin uttan útreiðslur fyri skipasmiðjuna manna skipið eftir fyriskip­an. Skipasmiðjan hevur tó, um hon heldur galdandi manningar- og trygg-leikakrøv, rætt til at lata síni starvsfólk passa maskinurnar á skipinum.

10. Umboð hjá skipasmiðjuni hava rætt til í góðari tíð fyri og eftir royndirnar at gera allar tær kanningar, mátingar ella eygleiðingar (observa­tiónir), sum skipa-smiðjan heldur  vera neyðugar til á ein nøktandi hátt at gera og kanna royndir­nar, eins og tey skulu hava atgongd at øllum upplýsingum um áður gjørdar royndir.

10. Tá ið skipasmiðjan heldur, at arbeiðið er liðugt gjørt eftir sáttmálanum, verður umbiðjarin kunnaður um hetta, og skipasmiðjan kann tá krevja, at ásett verður ein tíð til gjøgnumgongd av umvælingar-arbeiðinum har báðir partar eru við. Skipasmiðjan gevur boð í rímiligari tíð, og umbiðjarin hevur skyldu at vera við á fundinum.

10. Á avhendingarfundinum verða skrivað upp  møgulig brek í  arbeiðinum í eina gerða-bók, sum verður undirskrivað av pørtu-num, og avhend­ingin verður ikki fyrrenn tey brek, íð eru upp­skrivað í gerðabókina, eru umvæld.

10. Tá ið bøtt er nøktandi um tey brek, ið nevnd er í 6. stk., er umbiðjarin skyldigur at góðtaka at fáa skipið handað. Eftir áheitan frá skipasmiðjuni skal umbiðjarin undirskriva eina endaliga gerðabók um hetta. 5. stk. verður nýtt á líknandi hátt á hesum fundi.

11. Latingartíð og seinkan

11. Um annað ikki er avtalað, verður arbeiðið gjørt í vanligari arbeiðstíð hjá skipasmiðj-uni og so skjótt sum møguligt við fyriliti fyri øðrum skyld­um, ið skipasmiðjan hevur átikið sær, tá ið sáttmálin varð gjørdur.

11. Er avtalað ein bundin avhendingartíð, fær hon ikki gildi fyrr enn frá tí degi

1. Partarnir eru samdir, hvat arbeiðið fevnir um, og hvussu tað skal gerast,

2. Umbiðjarin hevur latið skipið tøkt á tí stað og í tí standi. sum er avtalað millum partar­nar,

3. Annars er skipað fyri øllum øðrum, ið avtalað er millum partarnar.

4. Avgreitt er møguligt avtal­að forskots­gjald ella, um seting av trygd er avtalað, sett hesa trygd. Ein avtalaður avhend­ingardagur verður útsettur samsvarandi tí dagata­li, ið nýtast skal til nevndu treytir eru loknar.

11. Um partarnir, meðan arbeitt verður, avtala broytingar ella ískoytisarbeiði, ella umbiðjarin ikki heldur skyldur sínar, verður latingartíðin longd, ávikavist verður avhendingardagurin útsettur við eini sam-svarandi tíðarfreist, sum volt hevur seinkingina av hesi orsøk.

11. Avtalað latingartíð ella avhendingardagur galda við vanligum fyrivarni um viðurskifti, sum skipasmiðjan ikki fær havt tamarhald á, so sum kríggj, krígsstøðulíkar tilburðir, uppreistur, borgarligan ófrið, lóglig og ólóglig verkføll,  verkbann, herverk, eldsbruna, náttúruvanlukkur, seinkaðar útveganir av lutum, tilfari og hjálpar­tilfari og veitingar frá undirútvega-rum, flutnings­forðanir, svíkjandi orku-veitingar, klassa- og myndugleika-krøv, skaðar, ið kunnu henda skipinum,  og tilfar til tað innan avhending, tvørrandi arbeiðsmegi hjá skipasmiðjuni ella undir-útvegarum hennara. eisini seinkingar og  útveganarhindringar sum avleiðing av mis-stoyping, vraking av tilfari, verk-smiðjuóhapp, virkse­mistarn, eldsbruna ella aðrar orsakir, sum skipasmiðjan ikki hevur kunnað bøtt um við rímiligum kostnaði. Í tílíkum førum kann skipasmiðjan krevja, at latingartíðin verður longd, ávikavist avhendingardagurin útsettur við eins nógvum arbeiðsdøgum, sum arbeiðið er seinkað orsakað av tí, ið er komið fyri.

11. Skipasmiðjan hevur undir øllum umstøð-um bara endurgjaldsskyldu í sambandi við seinking av einum arbeiði, ið er umbiðið á skipasmiðjuni, uttan mun til um avtala er gjørd um bundna latingartíð ella ikki, um so er, at seinkingin er munandi, og um so er, at umbiðjarin prógvar, at hetta skyldast mistaki ella ósketni hjá skipa­smiðjuni ella starvsfólki hennara, og skipa­s­miðjan er heldur ikki undir ongum umstøðum endur-gjaldsskyldig fyri rakstrartap, tíðartap, vinningstap ella annað óbeinleiðis tap, sum umbiðjarin líður orsakað av seinkan, eisini seinkan fyri at bøta um ófullfíggjað arbeiði.

11. Sum ískoyti til frammanfyri nevndu ásetingar verður greitt avtalað, at ábyrgdin hjá skipa­smiðjuni sum avleiðing av seinkanum og tapi umbiðjarans av somu orsøk, er avmarkað til at rinda eina bót, ið verður ásett við fyriliti fyri hvussu stór seinkanin er og vanligum legu­tíðargjaldi ella (um skipasmiðjan velur tað) við fyriliti fyri støddini á sáttmálaupphæddini, men sum í ongum førum kann fara upp um 5% av støddini á sáttmálaupphæddini.

11. Tá ið skipasmiðjan heldur, at arbeiðið er gjørt liðugt eftir sáttmálanum, fær umbiðjarin boð um tað, og skipasmiðjan kann krevja ásetta eina tíðarfreist til báðar partar at ganga ígjøgnum umvælingar-arbeiðið. Skipasmiðjan gevur boð í rímiligari tíð, og umbiðjarin er skyldigur at vera við á fundinum.

11. Umbiðjarin er skyldigur at góðtaka umvælingar­arbeiðið og at fáa skipið latið í beinleiðis fram­haldi av nevnda avhendingarfundi, uttan so, at umbiðjarin kann vísa á og greiniliga lýsa munan­di brek í  umvælingararbeiðinum. Um munandi brek eru, er umbiðjarin skyldigur at góðtaka umvælingararbeiðið og fáa skipið latið, tá ið gjørdar eru nøktandi ábøtur á møgulig brek.

12. Brek og ábøtur

12. Skipasmiðjan átekur sær í samsvari við niðan­fyristandandi reglur at bøta um brek í umvæl­ingararbeiðinum, sum skyldast brek, ið kunnu ávísast í tilfari ella gerð av arbeiðinum.

12. Ábøtur fevna bara um brek, sum verða staðfest og fráboðað innan 6 mánaðir eftir at arbeiðið er liðugt, og tá bara brek í arbeiði, sum skipa­smiðjan hevur gjørt, og við tilfari, sum skipa­smiðjan hevur út-vegað. Skipasmiðjan bøtir bara um brek í veitingum hjá undirútvegarum, um so er, at vísast kann á, at slík brek skyldast viður­skiftum hjá skipasmiðjuni. Tó skal skipasmiðjan flyta síni rættindi móti sínum undirútvegarum, um so er, at brek eru við hansara arbeiði ella veitingum til um-biðjaran.

12. Fyri ábøtingararbeiði galda somu kor sum fyri upprunaliga arbeiðið. Í tí føri har tað, tá ábøtingararbeiði er liðugt, eru minni enn 3 mánaðir eftir av samlaðu ábøtingartíðini uppá 6 mánaðir (sí 12.2)              verður tíðar-skeiðið fyri ábøtingararbeiði longd, soleiðis, at hon verður heilar 3 mánaðir fyri hetta arbeiði.

12. Um skipasmiðjan skrivliga góðtekur tað, hevur  umbiðjarin rætt til at lata ábøtingar-arbeiðið gera av aðrari skipasmiðju. Ábyrgd skipasmiðjunnar í slíkum førum er avmarkað til ta upphædd, sum ábøtingar-arbeiðið hevði kostað á egnari skipa-smiðju.

12. Ábøtingin fevnir ikki um samsýning fyri útreiðsl­ur til sigling og sending av tilfari ella lutum til skipið ella ferðaútreiðslur hjá fólki, ið luttaka í ábøtingararbeiðinum, herundir skipasmiðjunnar montørum.

12. Ábøtingin fevnir ikki um vanligt slit og elli og heldur ikki óhapp, skaða, mistøk og tílíkt, sum stendst av órættari viðgerð ella at ov nógv er lagt fyri við skipinum. Ábøtingarskyldan heldur somuleiðis uppat, um umbiðjarin ikki lurtar eftir fyriskipa-num frá skipasmiðjuni og undirútveg­arum við fyriliti fyri passing, brúk, røkt og tílíkt.

12. Ábøtingarskyldan fevnir ikki um skaðar, sum brekið veldur á aðrar lutir á tí umvælda skipin­um.

13. Ábyrgdarøkið

13. Umframt tær undantaksreglur, ið eru nevndar í grein 12, hevur skipasmiðjan ongar endurgjalds­skyldur fyri skaðar hjá eigara, so sum skaðar á skip, skipsútgerð, skipsfarm ella skaða á lutir hjá eigara ella øðrum, uttan so at tað kann ávísast, at skipasmiðjan hevur volt skaðan, av ósketni ella við vilja.

13. Um umvælingararbeiðið heruppií veitt tilfar og útgerð, er atvoldin til skaða, ella um skaði stendst av, at eigarin nýtir umvælingararbeiðið ella umvælda skipið (produktskaði), hevur skipasmiðjan bara endurgjaldsábyrgd, um tað er persón-skaðar, og tað eisini kann prógvast, at skaðin skyldast feilum ella vanrøkt av skipasmiðjuni ella hennara personali. Skipasmiðjan hevur, ið hvussu so er, onga endurgjaldsábyrgd av produktskaða á fasta ogn ella annað, heruppií umvælda skipið ella partar av tí. Umbiðjarin hevur skyldu at halda skipasmiðjuna skaða-leysa í tann mun, henni verður áløgd produkt­ábyrgd mótvegis triðja-manni, sum fer útum hesa reglugerðina, og umbiðjarin hevur skyldu at lata seg stevna fyri sama dómstól, sum viðger endurgjaldskrav móti skipasmiðjuni við-víkjandi kravi um produktábyrgd.

13. Skipasmiðjan hevur, ið hvussu er, onga ábyrgd av rakstrarmissi, tíðarmissi, vinningsmissi ella øðrum óbeinleiðis missi (avleiðingarskaða), annaðhvørt tað er brek, produktskaði ella endur-gjaldskrav á øðrum grundarlagi (við seinkan, sí tó 11.5 og 11.6)

13. Tann endurgjaldsábyrgd skipasmiðjan kann koma undir, verður ið hvussu er avmarkað til

at skriva tjúgu milliónir krónur fyri hvønn skaðatilburð. Ein riðil av skaðum, sum koma av sama tilburði, verða í hesum sambandi roknaðir sum ein skaði.

13. Í teimum førum, ið skipasmiðjan sam-bært hesi reglugerð annaðhvørt er uttan ábyrgd ella bara hevur skyldu at rinda eitt avmarkað endurgjald, siga umbijðarin, harundir eigararnir av skipinum og/ella aðrir rættarhavar í skipinum frá sær endurgjaldskrøv móti persónum hjá skipa­smiðjuni, tað veri leiðslu, starvsmonnum, ar­beiðarum ella øðrum, og umbiðjarin bindur seg til at halda hesar persónar skaðaleysar, um slík endurgjaldskrøv verða reist móti teimum av triðjamanni.

14. Klagur

14. Klagur og brek við umvælingararbeiðinum mega í øllum førum berast fram so skjótt rakt verður við brekið ella tað átti at verið sæð við vanligum eftiransni. Annars kann endurgjald ikki verða kravt fyri slíkt brek.

14. Sama skylda til beinanvegin at klaga geldur, um skaðar henda á skipið, og umbiðjarin ella aðrir av hesi orsøk vilja krevja ábyrgd av skipasmiðjuni.

14. Klagur um rokningar mega verða framsettar í seinasta lagi 30 dagar eftir fakturadagfesting.

14. Um so er, at eingin klaga er komin um umvæl­ingararbeiðið, er skipasmiðjan leys av allari ábyrgd. Tó kann klagast um fjald brek og skað­ar upp til 6 mánaðir aftan á, at skipið er farið av skipasmiðjuni. um viðkomandi viðurskifti ikki kundi ella átti at verið funnið fyrr (sí 12.2)

14. Allar klagur skulu vera skrivligar og útgreindar.

15. Trygging

15. Umbiðjarin tryggjar skipið (lutin) sømiliga væl, bæði við­víkjandi skrokki og ábyrgd, meðan skipið er á skipasmiðjuni. Skipasmiðjan teknar onga trygging fyri skip, manning, farm ella útgerð ella fyri aðrar lutir, sum umbiðjarin eigur ella ræður yvir, uttan so, at umbiðjarin skrivliga hevur biðið um tað, og tá fyri hansara rokning. Tá ið umstøðurnar tala fyri tí, skilar skipasmiðjan sær rætt til at tekna eykatrygging, ið tryggjar hana móti møguligari ábyrgd fyri skaða á farmi, ið er umborð. Tryggingin verður teknað fyri umbiðjarans rokning, tá ið avtala framm-anundan er gjørd við hann um hetta.

16. Gjald - rentur

16. Um ikki annað er avtalað, heftir skipa-eigarin fyri, at allar rokningar frá skipas-miðjuni verða goldnar og fyri aðrar skyldur, ið áliggja umbiðjaranum sambært hesi reglugerð. Er arbeiðið umbiðið av einum øðrum enn skipaeigaranum, heftir umbiðjarin eisini, uttan so, at hann samstunds sum ar­beiðið var umbiðið letur skipasmiðjuna staði­liga vita, at hann leggur alla ábyrgd frá sær hesum við-víkjandi.

16. Allar rokningar skulu gjaldast kontant, tá ið arbeiðið er liðugt, og ið hvussu er áðrenn skipið fer av skipasmiðjuni.

16. Meðan arbeiðið verður gjørt, hevur skipa-smiðjan rætt til at krevja akontogjøld at rinda gjørd arbeiði upp í 80% av mettu rokningarupphædd­ini, ið fevnir um m.a. lønir, tilfar, leigur og veitingar frá undir-veitarum.

16. Verður ikki goldið gjalddagin, skal um-biðjarin frá hesum degi rinda rentu við tí sambært rentulógini ásetta morarentusatsi.

16. Eigarin hevur ongan rætt til ikki at rinda partar av rokningini við at skjóta seg undir mótkrøv.

16. Um umbiðjarin eigarin ikki í seinasta lagi 14 álmanakkadag­ar aftaná áheitan frá skipasmiðjuni rindar krøv, ið eru fallin til gjaldingar, tá ið áheitanin er sett fram, kann skipasmiðjan slíta avtaluna og/ella krevja endurgjald eftir vanligum rættar-reglum.

17. Eftirhaldsrættur skipasmiðju

17. Skipasmiðjan hevur rætt til at gera eftirhald í skipi og øllum sum hoyrir skipinum til fyri øll krøv móti eigaranum, uttan mun til, hvør ið hevur biðið um arbeiðið.

17. Verður skipasmiðjurokningin ikki goldin kann eigarin og/ella aðrir rættindahavarar bert steðga afturhaldinum við at

1. rinda akontogjald til skipasmiðjuna sam-svarandi 50% av kravinum, og

2. leggja sum trygd eina upphædd ella lata pen­ingastovn ella tryggingarfelag veita trygd fyri eini upphædd, í báðum førum treytað av góð­kenning frá skipasmiðjuni, og sum samsvarar eftirstandandi skuld íroknaðar rentur fyri 2 ár og sakarmáls-útreiðslur, og

3. gevur skipasmiðjuni rættindi til fulna gjøgnum depot ella trygd, um ikki rættar-mál at mæla ímóti kravinum frá skipasmiðjuni er stevnt í seinasta lagi 3 mánaðir eftir gjaldfreist, og um hetta rættarmálið ikki verður framt sum tað eigur.

18. Varnarting

18. Allar ósemjur partanna millum viðvíkjandi viður­skiftum, ið stava frá avtalum, har sum henda reglugerð er galdandi, skulu verða at leggja fyri Føroya rætt sum fyrsta rættar-stig.

18. Skipasmiðjan hevur tó rætt til at byrja sakarmál við vanligan dómstól í tí landinum, har ið umbiðjarin hevur heim-stað ella í tí landinum, har ið skipið er statt, við tí í hyggju at fáa rættargildan dóm til tess at eksekvera kravið frá skipasmiðjuni.

18. Um trætur um produktábyrgd, hvat viðvíkur kravi frá triðjamanni, galda serligar varnartings­reglur, smb. 13.2.