MEST er tann fyritøkan, sum hevur flest lærlingar í Føroyum. Tað eru vanliga umleið 70 lærlingar í læru innan ymisk handverksøkir og eisini innan umsitingar-, handils- og goymsluøkið.    

Sum handverkari hevur tú møguleikan at nema tær førleikar innan ymisk fakøkir - sum eitt nú maskin-, el- og stáløki. Yrkisútbúgvingin er skipað soleiðis, at skift verður millum verkliga læru á MEST og skúlagongd á yrkisskúla. Lærutíðin er 4 ár – harav 55 vikur í skúla. Útbúgvingin endar við sveinaroynd. Upptøkukrøv er fráfaringarroynd fólkaskúlans.