Starvsvenjing

Á MEST vilja vit fegin samstarva við lesandi, og tí bjóða vit starvsvenjing fyri lesandi innan til dømis okkara Teknistovu har tú kanst bjóða tær sjálvum av innan ymisk áhugaverd tøknilig økir. Somuleiðis bjóða vit møguleikar innan okkar Sølu- og Innkeypsdeild – eins og aðrar deildir á MEST. 

Sum starvsnæmingur hjá MEST fært tú veruliga roynt teg av í verki og fært møguleikan at samstarva við roynd fólk. Tú avger í stóran mun sjálv(ur), hvørjar uppgávur tú fert í holt við í tíni starvsvenjing. Hetta fyri at tú í størstan mun sleppur at fáa royndir innan tað økið, sum tú hevur áhuga fyri. 

Endamálið er, at tú sum lesandi fær møguleika at nýta tey amboð, ið tú hevur lært í sambandi við tína útbúgving. Harafturat er endamálið at búgva teg til arbeiðsmarknaðin og til tær mongu avbjóðingarnar, sum tú kanst møta á tíni yrkisleið. 

Kanska ert tú í hesi støðu: 

• Tú ert lesandi innan verkfrøði, maskintøkni, búskaparfrøði ella líknandi. 
• Tú ert áhugað(ur) í tí maritima økinum ella menning av vinnuni á landi 
• Tú ynskir kanska at gerast partur av eini fyritøku í stórari menning. 
• Tú hevur áræði og hug at læra og seta teg inn í nýggj arbeiðsøkir.