Tvíkiljur, flakar og arbeiðsbátar (V)

Á MEST leggja vit stóran dent á at sniðgeva arbeiðsbátar og tvíkiljur, sum eru bygd til at virka undir krevjandi treytum. Vit arbeiða við at skapa góð og álítandi arbeiðstól, ið gera arbeiðsdagin hjá manningini betri – og í longdini geva fyritøkuni betri úrtøku og størri effektivitet.

Skrokkurin verður t.d. sniðgivin við serligum atliti til, at báturin skal ganga væl í sjónum – eisini í ringum líkindum.

Sniðgeving og bygging – hond í hond
Allar verkætlanir verða gjørdar í tøttum samstarvi við kundan. Vit samskipa sniðgeving og bygging neyvt – frá fyrstu tekning til liðugt skip – fyri at tryggja, at úrslitið svarar til júst tann tørvin, sum kundin hevur.

Vit byggja bæði smáar og stórar eindir og veita fegin eitt óbindandi tilboð, um tú hevur eitt ynski ella eina verkætlan í tonkunum.

Sí meira í faldaranum á okkara heimasíðu – ella set teg beinleiðis í samband við okkum til eitt prát.