Umbygging
Umbyggingar
Stórar, krevjandi avbjóðingar er tað, vit eru mest spent um á MEST.
Soleiðis er okkara hugburður. Vit hava í nógv ár staðið fyri
fjølbroyttum og krevjandi umbyggingarverkætlanum, har vit hava gagnnýtt
okkara serfrøði og royndir til fulnar.
Vit hava m.a.:
• Longt skip
• Bygt skip um úr frálandaskipum til avlúsingarskip til alivinnuna
• Bygt hæddir omaná skip
• Gjørt umfatandi broytingar í maskinrummum og á dekki
Umbyggingar krevja neyva fyrireiking, góðar loysnir og eitt sterkt
samstarv við reiðaran. Hetta eru júst teir førleikarnir, vit hava ment
og brúkt aftur og aftur við góðum úrslitum.
Her eru nøkur dømi um umbyggingar, sum vit hava gjørt seinastu árini.
Hevur tú eina verkætlan í huganum? So hoyra vit fegin frá tær.
Loysnir
Umbygging av Thor Omega
Talan var um at byggja, og íseta eina nýggja sektión undir brúnni. Í nýggju sektiónini eru 15, 2-manskømur, vesir o.a. Sektiónin bleiv bygd í byggihøll okkara, fyri síðan at loysa brúnna av skipinum. Tá nýggja sektiónin var sett upp á pláss á skipinum, bleiv brúgvin sett omaná aftur.
Umbygging av Bakkanes
Arbeiðið at umbyggja Bakkanes til FSV tænastuskip fevndi millum annað um sandblásing og máling, íseting av fýra Melcal kranum og spølum og 6 kapstannar. Harumframt stóð MEST fyri íseting av nýggju FLS avlúsingarskipanini og tilhoyrandi A-rammu, sum varð sniðgivin og framleidd á MEST, til handfaring av slangum.
M/S Martin
MEST hevur staðið fyri sniðgeving og framleiðslu av eini 12 metrar høgari og 8,5 metrar breiðari A-Rammu umframt at íseta framkomna avlúsingarskipanina á MS Martin hjá Bakkafrost.
Norðborg
Skift motorblokkin í skipinum. Arbeiðið snúði seg um at skera hol úr maskinrúminum fram í undirlast og síðani upp í yvirlast. Stórir skinnarar og koyribanar vóru síðani lagdir í skipið sum berandi stálkonstruktiónir. Eisini var neyðugt at byggja tveir gálgar fyri at lyfta blokkin upp í yvirlastina. Til seinast var hol skorið í skipssíðuna á Norðborg, og gamli motorurin fingin út gjøgnum síðuna.
Sølubúðin
Vørugoymslan hjá okkum hevur eitt breitt úrval av lutum innan EL & Elektronik. Úrvalið er tillaga til vinnuna á sjógvi og landi.
Bíleggingar kunnu gerast umvegis okkara sølubúðir á
- Skála
- Tórshavn
- Runavík
Upplatingartíðir á sølubúðum
Mána- til fríggjadag: 8.00 – 16.10
+298 791100 – sales@mest.fo
