Verkætlanir

Verkætlanirnar eru sera ymiskar á MEST og fevna tær um nærum øll sløg av uppgávum. Á MEST hava vit í felag ment okkara egna leist fyri verkætlanarleiðslu. Hetta fyri at vit alsamt kunnu betra okkara góðsku og halda tíðarfreistir. Vit halda javnan skeið í hesum fyri okkara starvsfólkum og stremba alsamt eftir at veita álítandi loysnir.

Sí her nøkur dømir uppá áhugaverdar verkætlanir frá MEST:

- Jákup Sverri, latin í 2020 til Føroya Landsstýrið – eitt sera framkomið havrannsóknarskip, sum var latið til avtalaðan kostnað og avtalaða tíð.
- Miðvík, Tvíkilja latin í 2017 til Bakkafrost. Ein tvíkilja, sum hevur roynst væl og var latin til avtalaða tíð og til avtalaðan kostnað.
- Artic Viking, skift høvðusmoturin, og báðar hjápimotorarnar, umframt gjørt ymiskar dagføringar í 2019. Arbeiðið gekk væl og var latið til tíð og kostnað.
- Norðborg, nýggjur motorblokkur ísettur í 2020.
- Thor Omega – ein stór umbygging við eini hædd bygd omaná skipið – latið í 2021 til avtalaða tíð og kostnað.